Аумақтық ұйымдардың жаңалықтары

2024 жылдың 13 наурызында «Қайнар» ББК-де Екібастұз қалалық білім беру қызметкерлері кәсіподағының XVIII есептік-сайланбалы кәсіподақ конференциясы болып өтті. Сайланған 77 делегаттың 73-і қатысып, 60 адам шақырылды. Конференцияға «Білім және ғылым қызметкерлерінің Қазақстандық салалық кәсіподағының Павлодар облыстық ұйымы» ҚБ төрағасы Г.А.Науразбаева, Екібастұз қаласы әкімінің орынбасары Иманғалиева Бибігүл Сағынтайқызы, қалалық мәслихат төрағасы Н.К. Макраев, білім беру бөлімі басшысының орынбасары Ж.А.Хамзабаева, қалалық мәслихат депутаты, «Жастар бастамаларын дамыту орталығы» КММ директоры Құсан Еркін Аманкелдіұлы, «Білім және ғылым қызметкерлерінің Қазақстандық салалық кәсіподағының Павлодар облыстық ұйымы» қоғамдық бірлестігінің ұйымдастыру мәселелері жөніндегі бас маманы Алма Файзрахманқызы Арынова қатысты.

Есеп беру кезеңінде төраға А.С. Рахимжанова, тексеру комиссиясының мүшесі Р.М.Тумайкина баяндама жасады. ҚБ филиалы төрағасының баяндамасы әлеуметтік әріптестік туралы Салалық келісімді, ұжымдық шарттарды орындау, қалалық кәсіподақ бюджетінің қаражатын бекіту және жұмсау, БПҰ-ны ұйымдық-құқықтық қорғау жөніндегі жұмыстармен қамтылды.

Конференцияда Екібастұз қаласы әкімінің орынбасары Иманғалиева Бибігүл Сағынтайқызы сөз сөйлеп, кәсіподақ қызметі мен әлеуметтік әріптестіктің өзара іс-қимылының маңызды рөліне тоқталды. Өз сөзінде Ардагерлер кеңесінің төрағасы Әбілқасымова А.Б. ардагерлер кеңесінің қызметі, оның міндеттері, мақсаттары мен атқаратын функциялары туралы, сондай-ақ «Жастар бастамаларын дамыту орталығы» КММ директоры Құсан Еркін Аманкелдіұлы қаланың жас педагогтары арасында өткізілген іс-шараларды ерекше атап өтті.

XVIII есеп беру - сайлау конференциясында «Екібастұз қалалық білім беру қызметкерлерінің кәсіподақ ұйымы» ҚБ филиалы кеңесінің жұмысы қанағаттанарлық деп танылды. Қоғамдық бірлестік филиалы қызметінің 2024-2028 жылдарға арналған негізгі бағыттары бекітілді. Күн тәртібіне сәйкес, филиал төрағасы болып А.С. Рахимжанова, 3 адамнан тұратын тексеру комиссиясының құрамы және 11 адамнан тұратын білім және ғылым қызметкерлері кәсіподағының ХХХІ облыстық конференциясына делегаттар сайланды.

Конференция делегаттарын «Білім және ғылым қызметкерлерінің Қазақстандық салалық кәсіподағының Павлодар облыстық ұйымы» ҚБ төрағасы Г.А.Науразбаева құттықтап, өз сөзінде Білім және ғылым қызметкерлерінің Қазақстандық салалық кәсіподағының маңызды аспектілері мен бағыттарын атап өтті.

Білім беру қызметкерлерінің кәсіподақ конференциясы марапаттау рәсімімен аяқталды.

Қалалық мәслихат төрағасы Н.К. Макраев кәсіподақ комитеттерінің төрағаларын жоғары кәсібилігі және кәсіподақ қозғалысының дамуына қосқан елеулі үлесі үшін қалалық мәслихаттың Құрмет грамоталарымен марапаттады.

«Білім және ғылым қызметкерлерінің Қазақстандық салалық кәсіподағының Павлодар облыстық ұйымы» ҚБ төрағасы Г. А. Науразбаева үздік белсенділерді, кәсіподақ мүшелерін ҚР Кәсіподақтар федерациясының Құрмет грамоталарымен, «Білім және ғылым қызметкерлерінің кәсіподағына сіңірген еңбегі үшін» белгісімен, «Білім және ғылым қызметкерлерінің Қазақстандық салалық кәсіптік одағы» ҚБ, «Білім және ғылым қызметкерлерінің Қазақстандық салалық кәсіптік одағының Павлодар облыстық ұйымы» ҚБ Құрмет грамоталарымен марапаттады.