МАРАПАТТАР – ҮЗДІКТЕРГЕ
14 наурыз күні Индер кенті «Көктем» жалпы білім беретін орта мектебінде ауданның білім беру саласында ұзақ жылдан абыройлы еңбек еткен бір топ ұстаздарға әз-Наурыз мерекесіне орай марапаттар табыс етілді. Мерекеге арналған салтанатты жиынды «Атырау облысы білім және ғылым қызметкерлерінің кәсіптік одағының Индер аудандық комитеті» филиалының төрағасы Қалжан Ахметова кіріспе сөз сөйлеп, барша шақырылған қонақтарды айтулы күнмен құттықтады.
Келесі сөз сөйлеген «Атырау облысы білім және ғылым қызметкерлерінің кәсіптік одағы» қоғамдық бірлестігінің төрағасы Қылышбай Сүндетұлы «Қазақстандық оқу-ағарту, ғылым және жоғары білім қызметкерлерінің салалық кәсіподағы» ҚБ-нің «Кәсіподақ ардагері» төс белгісін Жамбыл атындағы орта мектептің бастауыш сынып мұғалімі Күлан Құсниденова мен Бөдене орта мектебінің зейнеткер ұстазы, кәсіподақ ардагері Роза Сатаеваға, «Білім және ғылым қызметкерелері кәсіптік одағына сіңірген еңбегі үшін» төс белгісін «Қызғалдақ» бөбекжай бақшасының тәрбиешісі, бастауыш кәсіподақ ұйымының төрағасы Гүлбану Даутоваға және бір топ мұғалімдерге республикалық, облыстық ұйымның Құрмет грамоталарын табыс етті.
Индер аудандық білім беру бөлімінің басшысы Орынша Дильмұқашева Атырау облысы Ардагерлер кеңесінің «Тәлімгер» медалімен Есбол орта мектебінің ардагер ұстазы Қалжан Хасанғалиеваны марапаттады.
Салтанатты жиналысқа қатысқан Индербор поскелік округ әкімі Шалқар Алмурзиевте өз кезегінде барша ұстаздарды Наурыз мерекесімен құттықтады.
«Атырау облысы білім және ғылым қызметкерлерінің кәсіптік одағы» ҚБ баспасөз қызметі
-
Фото
-
