МЕРЕКЕЛІК МАРАПАТ
Маңғыстау облысы, Ақтау қаласындағы Фариза Оңғарсынова атындағы №29 жалпы білім беретін мектепте 8 наурыз - Халықаралық аналар күні мерекесіне орай ата-аналарға арналған «Жарық өмір сыйлаған Ана!» атты мерекелік кеш ұйымдастырылды.
Мерекелік кешке Ақтау қаласы бойынша білім бөлімі басшысының м.а. Т.А.Күлметенова, оқу-әдістемелік орталығының тәрбие ісі жөніндегі әдіскері Э.А.Рахметова, қалалық ата-аналар кеңесінің төрайымы А.Тыныштыққызы қонақ ретінде шақырылды.
Шара барысында мектеп директоры Ж.А.Ізтұрғанова ұстаздар мен қоғамдық шараларға белсенді қатысып жүрген «Мектеп Парламенті» оқушыларының, сондай-ақ оқу үздіктерінің аналарын Алғыс хаттармен марапаттады.
Мектептің бастауыш кәсіподақ ұйымының төрайымы А.Бейсембаева ұстаздар Н.Есжанова мен Б.Өскінбаеваны мерекемен тұспа-тұс келген мерейлі туған күндерімен құттықтап, сертификаттар табыстады.
Сонымен қатар мектеп қызметкерлері де Ақтау қалалық білім бөлімінің Алғыс хаттарымен марапатталды.
Кәсіподақ ұйымы шараға қатысушыларды мерекеге орай естелік сыйлықтармен, Алғыс хаттармен марапаттады. Кеш қонақтары алғыстарын айтып, жоғары көңіл-күйде тарады.
А.Бейсембаева,
Фариза Оңғарсынова атындағы №29 мектептің бастауыш кәсіподақ ұйымының төрайымы.
Ақтау қаласы, Маңғыстау облысы.
-
Фото
-
