БАЙҚАУ ЖҮЛДЕГЕРЛЕРІ АНЫҚТАЛДЫ
Ақтөбе облысының Байғанин ауданында шығармашылықпен жұмыс жасайтын педагогтерді анықтау, қолдау және марапаттау; кәсіби шеберлігін таныту; өзара бәсекелестікті қалыптастыру мақсатында физика пәні мұғалімдерінің арасында облыстық педагогикалық байқауының аудандық кезеңі өтті.
Байғанин аудандық білім қызметкерлері кәсіподақ ұйымының қолдауымен өткізілген байқауға 13 мұғалім қатысты.
Байқау нәтижесінде Т.Жармағамбетов атындағы орта мектебінің мұғалімі Жайдарым Кенжеғалиева жүлделі бірінші орынды, Қарауылкелді орта мектебінің мұғалімі Мәншүк Азова екінші орынды, Ақзира Қыдырбаева үшінші орынды жеңіп алды.
Жеңімпаз мұғалімдер аудандық білім бөлімінің дипломдарымен, аудандық білім қызметкерлері кәсіподақ ұйымының бағалы сыйлықтарымен марапатталды.
Марапаттарыңыз құтты болсын!
-
Фото
-
