ӨНЕРПАЗ ҰСТАЗДАР
Наурыз мерекелеріне орай Ақтау қаласындағы №30 жалпы білім беру мектебінде мұғалімдер арасында мектепшілік ұстаздардың шығармашылық қабілетін арттыру және белсенді, жаңашыл ұстаздарды анықтау мақсатында «Екі жұлдыз» байқауы ұйымдастырылып, өткізілді.
Байқау шымылдығын мектеп директоры Бекболат Еркінұлы ұжым қызметкерлерін көктемнің алғашқы күнімен тұспа-тұс келген Алғыс айту күнімен құттықтап ашты.
Байқау екі бөлімнен, 1-ші бөлім жанды дауыста ән айтудан, 2-ші бөлім породия салудан тұрды. Байқауға қатысқан 8 жұп байқау ережелеріне сай өз өнерлерін сахна төрінде көрсетті. Талантты ұстаздардың өнерлері көрермендер мен кеш қонақтарына өте әсерлі болды. Әрине, кәсіби өнер адамдары болмаса да, үлкен жауапкершілікті сезініп, дайындықпен келгендігі көрінсе, ал көрермен ұжымдастарының қолдауы да ерекше көрініс алды.
Байқау жеңімпаздарын марапаттау рәсімі қалалық кәсіподақ ұйымының төрайымы К.Еңсегеноваға берілді. Байқауға қатысып, өз деңгейлерінде өнерлерін, шығармашылық қабілеттерін танытқан барлық қатысушыларға алғыс білдірді.
Байқау қорытындысы бойынша «Бас жүлдені» орыс тілі пәні мұғалімі Төлегенова Әлия мен бастауыш сынып мұғалімі Тілекова Райхан иеленді. Байқау жеңімпаздарына Диплом мен сыйлықтар табысталды.
Қатысушылар ұйымдастырушыларға, бастауыш кәсіподақ ұйымына өз ризашылықтарын білдірді.
К.Қалабаева,
Маңғыстау облысы, Ақтау қаласы, №30 жалпы білім беру мектебінің бастауыш кәсіподақ ұйымының төрайымы.
-
Фото
-
