«КРЕАТИВТІ КУРАТОР -2024»
22 ақпан күні, «Атырау облысы білім және ғылым қызметкерлерінің кәсіптік одағы» қоғамдық бірлестігі Атырау облысы Білім беру басқармасының «Балаларға қосымша білім беру оқу-әдістемелік және ғылыми-практикалық орталығы» КММ-мен бірлесе отырып, аймақтағы техникалық және кәсіптік білім беру ұйымдары кураторлары арасында облыстық байқау өткізді.
Байқау 3 кезеңнен тұрды: «Танысыңыз! Бұл – Куратор» деп аталатын бөлімде қатысушыларөз білім беру ұйымындағы өзінің кураторлық қызметіндегі жұмыс тәжірибесін қорғап, таныстырды. Онда өзі атқарып отырған қызмет мерзіміндегі шығармашылық зертханасын, студенттердің оқу-тәрбие жүйесін дамытудың инновациялық идеяларын, студенттерді шығармашылыққа баулу жолындағы жаңа жобасын, жоба барысындағы жетістіктерін көрсете отырып педагогикалық тәжірибе түрінде өз таңдауымен таныстырылым, бейнематериал, интерактивті тақта платформалары (Trello, Padlet, Prezi, Pecha-kucha т.б.) түрінде ұсынды.
Екінші кезеңде, «Куратор күнделігі» бөлімінде қатысушы ұйымдастыру комитеті ұсынған тақырыптарды таңдап және белгіленген уақыт ішінде залда отырған көрермендер мен басқа қатысушылармен мазмұнды шара өткізді. Ал, соңғы «Ең ерекше куратор» бөлімінде қатысушы кураторлар өздерінің шығармашылық жолындағы ең ерекше құпиясымен «Stand-up»стилінде әңгімелеп, залдағы көрермендер назарына ұсынды.
Әділқазылар шешімімен С.Мұқашев атындағы Атырау политехникалық жоғары колледжінен келген куратор Бейбарыс Рахым – бірінші орынды, екінші орынды –Атырау көлік және коммуникация колледжінің кураторы ИринаСейтова және жүлделі үшінші орынды – Атырау энергетика және құрылыс колледжінен Қазына Нұртазаева, Мақат мұнай және газ технологиялық колледжінен Айгерім Утегенова иеленді. Оларға «Атырау облысы білім және ғылым қызметкерлерінің кәсіптік одағы» қоғамдық бірлестігі атынан ескерткіш сыйлықтар табыс етілді.
Байқауға қатысушылардың барлығы да әр түрлі номинациялар бойынша дипломдармен марапатталды.
Байқау көрермендеріАтырау көлік және коммуникация колледжі өнерпаздарының концерттік бағдарламасын тамашалады.
«Атырау облысы білім және ғылым қызметкерлерінің кәсіптік одағы» ҚБ баспасөз қызметі
