«МАТЕМАТИКАЛЫҚ РЕГАТА» САЙЫСЫНЫҢ ҮЗДІКТЕРІ МАРАПАТТАЛДЫ
Ақтөбе облысы, Байғанин ауданы жалпы білім беретін мектептердің математика пәнінің мұғалімдерінің арасында республикалық "Математикалық регата" сайысының аудандық кезеңі қортындыланды.
Олимпиада 2 кезеңнен тұрды:
І кезеңде мұғалімдер жекелей олимпиадалық тапсырмаларды орындады. ІІ кезеңде бірінші кезеңнен өткен мұғалімдер бірнеше команда құрып , төрт турдан тұратын олимпиадалық тапсырмаларды уақытқа орындады.
Жарыс қорытындысында Қ.Мұханбетқалиұлы атындағы орта мектеп-гимназиясының мұғалімі Ақылбек Амалбекұлы бірінші орынды иеленді. Ал, жүлделі екінші орынды ұпайлары тең түскен Үмітай Жұманова мен Манат Бақтыбай иеленсе, үшінші жүлделі орынды ұпайды тең жинаған Әлия Жұмалы мен Гүлжамал Бекесова бөлісті.
Сайыс жеңімпаздары аудандық білім бөлімінің дипломдарымен марапатталды. Сондай-ақ, Байғанин аудандық білім қызметкерлері кәсіподақ ұйымының атынан шипажайға, тарихи-танымдық өлкетану саяхатқа және "Фитнес" спорт орталықтарына сертификаттары табыс етілді.
-
Фото
-
