ШАРШЫ АЛАҢДА – ПРОФЕССОР-ОҚЫТУШЫЛАР
Бастауыш кәсіподақ ұйымының қолдауымен Қ.Жұбанов атындағы Ақтөбе өңірлік университетінің профессор-оқытушылары мен қызметкерлері арасында бір айға жуық уақыт бойы өткен спартакиада өз мәресіне жетті.
Спорттық жарыс үстел теннисі, шахмат, дартс, ату спорты, тоғызқұмалақ, стритбол, ерлер және әйелдер арасында волейбол, шағын футбол бойынша өтті. Айтулы додаға қатысқан 12 команда құрамында оқу орнының 250-ге жуық профессор-оқытушылары мен қызметкерлері атсалысты.
Жарыс қорытындысында жалпы командалық есепте үздік ойын көрсеткен кәсіби-шығармашылық факультетінің командасы бірінші орынды, техникалық факультетінің командасы екінші орынды, физика-математика факультетінің командасы үшінші орынды иеленді.
Жеңімпаздарға алғыс хаттар мен бастауыш кәсіподақ ұйымының ақшалай сыйлықтары табысталды.
-
Фото
-
