КҮН ТӘРТІБІНДЕ – КӘСІПОДАҚ ҚЫЗМЕТІ
19.01.2024ж. күні Жаңаөзен оңалту ориалығында ұжымдық жиналыс өтті. Жиналысқа Жаңаөзен қалалық білім бөлімінің жалпы білім және мемлекеттік қызмет көрсету секторының меңгерушісі С.Сарбекова, Аймақтық ПМПК меңгерушісі Л.Менешева және орталық қызметкерлері қатысты.
Күн тәртібінде қаралған мәселелер:
1.2023 жылғы жұмыстың жылдық есебі / Орталық директоры Ж.А.Нұртаева /
2.Оңалту орталығының бастауыш кәсіподақ ұйымының жылдық есебі / Кәсіподақ төрайымы Н.Костниязова /
3.Педагог этикасы / Педагогикалық әдеп кеңесінің төрайымы А.Есқуатова /
Орталық директоры ерекше білім беруге қажеттілігі бар балалар мен жасөспірімдерге психологиялық-педагогикалық түзеу мен оңалту түрінде кешенді психологиялық-медициналық-педагогикалық көмек көрсету барысында ауқымды жұмыс атқарылғанын және бюджеттен бөлінген қаражаттың өндірістік қажеттілігіне қарай жұмсалғаны туралы есеп берді.
Кәсіподақ төрайымы жыл бойына әлеуметтік бағытта атқарылған жұмыстары бойынша және еңбек жалақысынан ұсталған жарнаның жұмсалуы жөнінде баяндады.
Педагогикалық әдеп кеңесінің төрайымы әдеп ережелеріне сәйкес педагогтардың кәсіби қызметі мен еңбек тәртібі сапасы туралы түсінік берді.
Жиналыс соңында жалпы білім және мемлекеттік қызмет көрсету секторының меңгерушісі С.Сарбекова ұжымға «Педагог мәртебесі туралы» ҚР заңы жөнінде түсінік берді.
Дәл осындай ұжымдық жиналыс Маңғыстау облыстық санаторлық мектеп интернатында да өткізілді.
Барша қызметкердің қатысуымен, ауысымдағы жұмысшыларсыз, өткен жиналысқа Қарақия ауданының ардақты ақсақалы, ерең еңбек иесі, зейнеткер Тұрсынғали Көшенов пен Қамқоршылық кеңес мүшесі, АІІБ-нің қызметкері Н.Көшкінбаев қатысты.
Күн тәртібінде:
1) Директор М.Шарипованың жылдық есебі;
2) Кәсіподақ ұйымының төрайымы А.Жетістің жылдық есебі;
3) Әдіскер Х.Укибаеваның “Педагог мәртебесі мен мәдениеті” - тақырыптарында спикерлер есеп беріп, сөз сөйледі.
Қазақстандық оқу-ағарту, ғылым және жоғары білім қызметкерлерінің салалық кәсіптік одағының Маңғыстау облыстық ұйымы» ҚБ
-
Фото
-
