ЕҢБЕК АДАМЫ - АҚАН АҒАЙ
Шығыс Қазақстан облысы Тарбағатай ауданында орналасқан «Жаңаталап орта мектебі» КММ үлкен-кішіге «Ақан ағай» атымен танымал болған ұстазымыз туралы айтпақпыз.
Битибаев Ахметбек Дөкеұлы Тарбағатай ауданы Жаңаталап ауылында дүниеге келген. Өскемен қаласында педагогикалық институтының инженер-педагог факультетінде оқып,«Жалпы техникалық пәндер және еңбек мұғалімі» мамандығын алды.
Алғашқы ұстаздық жолын Байтоғас ауылында Ғ. Мүсірепов атындағы мектебінде бастап,1991жылдан бастап Жаңаталап орта мектебінде 30 жылдан астам уақыт қызмет жасап келеді.
Ақан Дөкеұлы-ақырын жүріп анық басатын, сабырлы, салмақты әріптесіміз. «Байсалды мінезіңмен бір қалыпты, Менің де жүрегімде із қалыпты» —деп шәкірттері айтқандай шәкірт жүрегіне жол таба білетін ұстаз бүгін асқаралы 60 жасқа толды.
Мектеп кәсіподақ ұйымы және ұжым мүшелері Ахметбек Дөкеұлын туған күнімен құттықтап, ақ жарма тілектерін білдіріп, иығына шапан жапты.
Ақан ағай мерейтойыңызға орай, Сізге зор денсаулық, сергек рух, игілік-береке, қуанышты күндеріңіз көп болсын деп тілейміз!
-
Фото
-
