КӘСІПОДАҚ МҮШЕСІНЕ СЫЙ-ҚҰРМЕТ КӨРСЕТІЛДІ
Бүгін Ақтөбе облыстық әдістемелік орталығының әдіскері, кәсіподақ мүшесі Мырзағұлова Мейрамгүл Төкімбайқызының мерейлі жасына арналған салтанатты жиын өтті.
Жиын барысында білім саласында табанды еңбек етіп, іскерлігімен көп істі үйлестіре біліп, бүгінде абыройлы қызметті арқалай жүріп асқаралы алпыс жасты алқымдаған Мейрамгүл Мырзағұловаға сый-құрмет көрсетілді.
Басқосуда әріптестері Мейрамгүл Төкімбайқызының өмірінен естеліктер айтып, ақжарма тілектерін жеткізді. Сондай-ақ қызмет жолындағы атқарған ауқымды істеріне тоқталып, тұлғалық қасиеттерін көпке үлгі етті.
Мейрамгүл Мырзағұловаға «Қазақстандық салалық білім және ғылым қызметкерлері кәсіптік одағының Ақтөбе облыстық ұйымы» қоғамдық бірлестігінің тарапынан төрағаның құттықтау хаты мен «Білім және ғылым қызметкерлері кәсіподағына сіңірген еңбегі үшін» төсбелгісі табысталды.
-
Фото
-
