ПЕДАГОГТАР АРАСЫНДАҒЫ ДҮБІРЛІ ДОДА
«Оқу-ағарту, бюджеттік ұйымдар, ғылым және жоғары білім қызметкерлерінің «Жетісу» жергілікті кәсіподағы» ҚБ Талдықорған қалалық филиалына қарасты білім беру мекемелерінің педагог қызметкерлерінің арасында қысқы демалыс кезіндегі «Тоғызқұмалақ», «Үстел теннисі», «Баскетбол» турнирі өткізілді. Турнирге қалалық білім беру мекемелерінің командалары қатысты. Бұл шараның басты мақсаты – педагог қызметкерлердің денсаулығын нығайту, спорт түрлерін дамыту, кәсіподақ мүшелерінің жұмысын жандандыру, кәсіподақ мүшелеріне қолдау көрсетіп, ынталандыру. Жарысқа Талдықорған қаласының мектептерінің педагогтары қызығушылықпен қатысты.
Жарыс нәтижесінде: «Тоғызқұмалақ» турнирінде І орынды – Есжан Берліқожаұлы атындағы №11 орта мектеп жеңіп, ІІ орынды №15 орта мектеп, ІІІ орынға Д.Рақышев атындағы қазақ мектеп-интернаты және №2 орта мектебі ие болды.
«Үстел теннисі» турнирінде І орынды – Мағжан Жұмабаев атындағы №19 орта мектеп-гимназиясы жеңіп, ІІ орынды Есжан Берліқожаұлы атындағы №11 орта мектеп, ІІІ орынға № 15 орта мектеппен М.Ломоносов атындағы № 5 орта мектеп-лицейі жеңіп алды.
«Баскетбол» жарысында І орынды - Б.Сырттанұлы атындағы №25 орта мектеп жеңіп, ІІ орынды Есжан Берліқожаұлы атындағы №11 орта мектеп, ІІІ орынды Құлжабай Қасымов атындағы №28 IT мектеп-лицейімен Мағжан Жұмабаев атындағы №19 орта мектеп-гимназиясы ие болды.
Жарысқа қатысқандарды «Оқу-ағарту, бюджеттік ұйымдар, ғылым және жоғары білім қызметкерлерінің «Жетісу» жергілікті кәсіподағы» қоғамдық бірлестігінің төрағасы Мэлс Құлмұханұлы Төлепбергенов құттықтап, жүлделі орын алған командалар мен номинация иелеріне Талдықорған қалалық кәсіподақ ұйымының төрағасы Айым Ерікқызы Дипломдармен және Алғыс хаттармен марапаттап, бағалы сыйлықтар табыстады.
«Оқу-ағарту, бюджеттік ұйымдар, ғылым және жоғары білім қызметкерлерінің «Жетісу» жергілікті кәсіподағы» ҚБ Талдықорған қалалық филиалы
-
Фото
-
