«ҮЗДІК ӨНДІРІСТІК ОҚЫТУ ШЕБЕРІ» ҚАЛАЛЫҚ БАЙҚАУЫ ҚОРЫТЫНДЫЛАНДЫ
2023 жылдың қараша-желтоқсан айлары аралығында Астана қаласы әкімдігінің «Әдістемелік орталық» МКҚК Астана қаласының білім беру қызметкерлерінің Кәсіподағымен бірлесіп Астана қаласының техникалық және кәсіптік білім беру ұйымдарының өндірістік оқыту шеберлері арасында «Үздік өндірістік оқыту шебері» қалалық байқауы өткізілді.
Байқаудың мақсаты – өндірістік оқыту шеберлерінің педагогикалық шеберлігі мен шығармашылығын жетілдіру, мамандығының беделін арттыру, озық педагогикалық тәжірибені насихаттау.
Байқауға 19 өндірістік оқыту шебері қатысып, визит карточкасы мен инновациялық технологияларды пайдаланған өндірістік оқыту бейнесабақтарын және заманауи талаптар бойынша сабақ жоспарын ұсынды.
«Үздік өндірістік оқыту шебері» қалалық байқауының қорытындысы бойынша келесі жеңімпаздар марапатталды:
І дәрежелі дипломмен - Осинская Вера Юрьевна, «ASTANA POLYTECHNIC жоғары колледжі» ШЖҚ МКК, өндірістік оқыту шебері;
ІІ дәрежелі дипломмен - Садыков Марат Кадырбекович, Астана қаласы әкімдігінің «Құрылыс-техникалық колледжі» ШЖҚ МКК, өндірістік оқыту шебері;
ІІІ дәрежелі дипломмен - Маумова Айжан Жанатбековна, Астана қаласы әкімдігінің «Сервис және туризм колледжі» ШЖҚ МКК, өндірістік оқыту шебері;
ІІІ дәрежелі дипломмен - Мукатов Ерболат Зиядович, Астана қаласы әкімдігінің «Кәсіптік-техникалық колледжі» ШЖҚ МКК, өндірістік оқыту шебері.
Конкурстың барлық жеңімпаздарына Астана қаласы әкімдігінің «Әдістемелік орталық» МКҚК-нің бағалы сыйлықтары, ал қатысушыларға Астана қаласының білім беру қызметкерлері Кәсіподағының сыйлық - сертификаттары табыс етілді.
