КӘСІПОДАҚ МҮШЕЛЕРІ АРАСЫНДАҒЫ ОБЛЫСТЫҚ ТУРНИР
Батыс Қазақстан облыстық оқу – ағарту, ғылым және жоғары білім қызметкерлері кәсіподақ ұйымының кәсіподақ мүшелері арасында «Тоғызқұмалақ және шахмат» ойындарынан облыстық турнир өткізілді.
Шараны өткізудің мақсаты – кәсіподақ мүшелері арасында салауатты өмір салтын ұстану мен ұлттық тоғызқұмалақ және шахмат ойындарын насихаттау.
Турнир – бекітілген Ережеге сәйкес, тоғызқұмалақ және шахмат ойындарынан Орал қалалық және аудандық кәсіподақ комитеті – Филиалдары мен жоғарғы оқу орындары, колледждер, облыстық білім беру мекемелерінен барлығы 16 құрама команда бойынша ерлер мен әйелдер арасында өткізіліп, төрешілер алқасының әділ шешімімен өз мәресіне жетті.
«Тоғызқұмалақ» ойынынан ерлер арасында 1 орынды – Орал қалалық кәсіподақ комитеті – Филиалының кәсіподақ мүшесі Әсет Қайыржанов, 2 орынды – Бөрлі аудандық кәсіподақ комитеті – Филиалының кәсіподақ мүшесі Айтбай Тастайбеков, 3 орынды – Орал қалалық кәсіподақ комитеті – Филиалының кәсіподақ мүшесі Бектас Кенжегалиев иеленсе, ал әйелдер арасында 1 орынды – Теректі аудандық кәсіподақ комитеті – Филиалының кәсіподақ мүшесі Аяулым Мағзом, 2 орынды – Қаратөбе аудандық кәсіподақ комитеті – Филиалының кәсіподақ мүшесі Назерке Даргалиева, 3 орынды – Бөкей ордасы аудандық кәсіподақ комитеті – Филиалының кәсіподақ мүшесі Назерке Тулешева иеленді.
Шахмат ойыны бойынша ерлер арасында 1 орынды – Орал қалалық кәсіподақ комитеті – Филиалының кәсіподақ мүшесі Виталий Каширин, 2 орынды – Қаратөбе аудандық кәсіподақ комитеті – Филиалының кәсіподақ мүшесі Досымхан Хамидуллин, 3 орынды – Жоғары аграрлық – техникалық колледжінің кәсіподақ мүшесі Ғалым Сарсембаев иеленді. Ал, әйелдер арасында 1 орынды – Бөрлі аудандық кәсіподақ комитеті – Филиалының кәсіподақ мүшесі Айжан Ғабидуллина, 2 орынды Орал қалалық кәсіподақ комитеті – Филиалының кәсіподақ мүшесі Аида Утеляева, 3 орынды – Тасқала аудандық кәсіподақ комитеті – Филиалының кәсіподақ мүшесі Асель Қадырберлиева жеңіп алды.
«Тоғызқұмалақ және шахмат» ойындарынан облыстық турнирдің жабылу салтанатында «Қазақстандық оқу – ағарту, ғылым және жоғары білім қызметкерлері салалық кәсіптік одағының Батыс Қазақстан облыстық ұйымы» ҚБ төрағасы Марат Даупаев, осы шараға қатысқан барлық құрама командаларға және арнайы шақырылған Батыс Қазақстан облысы кәсіподақ белсенділері мен кәсіподақ ардагерлеріне зор алғысын білдірді.
Ал, білім саласының ардагері Асқар Акишев, «Батыс Қазақстан облыстық Ауғанстан ардагерлер одағы» ҚБ төрағасы Олег Пимонов бүгінгі шараның өтуіне байланысты құттықтау сөз сөйледі.
Марапаттау сәтінде жүлделі орындар иеленген кәсіподақ мүшелері және белсенділік танытқан қатысушылар дипломдармен марапатталып, заттай сыйлықтар мен гүл шоқтары табысталды.
Осымен, аймақтық және облыстық деңгейде үшінші жыл қатарынан ұйымдастырылған «Тоғызқұмалақ және шахмат» ойындарынан өткен облыстық турнир кәсіподақ мүшелерінің көңіл күйі мен салауатты өмір салтын ұстануға насихаттаушы спорттық шара ретінде дәстүрге айналды.
Батыс Қазақстан облыстық ұйымы
-
Фото
-
