«ҮЗДІК ЖЫЛ ПСИХОЛОГЫ» БАЙҚАУЫ ӨТТІ
Ақтөбе облысының Әйтеке би аудандық білім қызметкерлері кәсіподақ ұйымының қолдауымен «Үздік жыл психологы» байқауының аудандық кезеңі өтті. Шараға ауданның 9 мектебінен 9 педагог қатысты.
Байқау шығармашылықпен жұмыс істейтін, кәсіптік біліктілігін көрсете алатын психологтарды анықтау, қолдау мақсатына өткізілді.
Байқау қорытындысы бойынша Жамбыл жалпы орта білім беретін мектебінің психологы Гүлмира Маленкина бас жүлдеге ие болып, аудандық кәсіподақ ұйымының атынан Түркістан қаласына тарихи-танымдық саяхатқа сертификат табысталды.
Жүлделі І орын Т.Жүргенов атындағы жалпы орта білім беретін мектебінің психологы Гүлсана Төребековаға, ІІ орын Әйке жалпы орта білім беретін мектебінің психологы Назгүл Ідірісоваға, ал, ІІІ орын Еңбекту жалпы орта білім беретін мектебінің психологы Шолпан Кусейноваға бұйырды.
Байқау жеңімпаздары мен қатысушыларын аудандық білім бөлімінің басшысы Сәулеш Біртаева мен кәсіподақ ұйымының төрағасы Зейнел Бекетов марапаттады.
