БАСТАУЫШ СЫНЫПТЫҢ МАЙТАЛМАН МАМАНЫ
Ешманова Жұлдыз Жұмабекқызы - өз ісін жете меңгерген бастауыш сыныптың майталман маманы, ізін басып келе жатқан әріптестерін ұстаздық жолға баули білетін білімді бапкер, білікті ұйымдастырушысы, педагог-зерттеуші.
Еңбек жолын 1987 жылы Маңғыстау облысындағы Ә.Жангелдин орта мектебінен бастап, Ақтау қаласындағы №21 орта мектебінде еңбек жолын жалғастырып, 2014-2015 оқу жылында Ақшұқыр мектеп-лицейіне ауысты. Бүгінгі таңда лицей қабырғасында білімді шәкірттерді тәрбиелеуде. Осы оқу жылында мектеп директорының оқу ісі жөніндегі орынбасары қызметін ұштастырып, жаңартылған білім мазмұнымен сапалы білім саналы ұрпақ тәрбиелеуге кұш салуда.
Жұлдыз Жұмабекқызынан тәлім алып, ізін қуған шәкірттерінің алды бүгінде еліміздің білім ошақтарында және өз ұжымында абыройлы қызмет атқарып жүр. Мектепте өз тәжірибесімен бөлісіп, іс-әрекетті зерттеу сабақтарының жүйелі жүруіне үлес қосумен қатар жаса маманға тәлімгерлік етуде.
Г.Шүренова,
Маңғыстау облысы, Түпқараған ауданы, Ақшұқыр мектеп-лицейіні бастауыш сынып мұғалімі.
