ӨНЕР АДАМЫНА ҚҰРМЕТ
Өнер адамы қашанда өзгеден биік тұратыны анық. Өнердің шегі мен шеті жоқ болса иесінің де еркіндікті қалайтыны рас. Еркіндікте тұлпар қалай көсіле шапса, адамның да шабыты солай ашыла түсетіні ақиқат.
Шығыс Қазақстан облысы Тарбағатай ауданында «Өнер адамына құрмет» атты семинар еркіндікті сүйетін жандардың тынысын аша түсті. Семинардың ашылуында өнер мектебінің директоры Ә.Шоқанов, аудандық білім бөлімінің әдіскері Н.Әлімбеков және білім беру қызметкерлерінің Тарбағатай ауданы «Ақжар» кәсіподақ ұйымының төрағасы құттықтап, семинар жұмысына сәттілік тіледі.
Тәжірибесі мол өнер адамдарымен өткен сұхбат тартымды жүргізіліп семинарға қатысушыларды қызықтыра түсті. Сұхбатқа қатысушыларға өнер ұжымының сый құрметі көрсетілді.
Шара сонында бір немесе бірнеше қатысушы өздеріне қойылған сұрақтарға жауап беретін Quiz жарысы ұйымдастырылып, белсене қатысқан өнер иелері ой ұшқырлықтарын көрсетті.
-
Фото
-
