ТӘЖІРИБЕЛІ ТӘЛІМГЕР
Іске деген сүйіспеншілігі бар мұғалім жақсы мұғалім болады. Осынау сауабы мол мамандықтың қыр – сырын жетік меңгерген, оның суығы мен ыстығына төзе білген, үнемі оқу процесінде білім ғана беріп қоймай, тәрбиенің бағыттарымен ұштастыра алатын, сабақтағы әдіс – тәсілдері мен шығармашылықпен айналысатын ұстаз ғана көптеген жетістікке жетері сөзсіз. Осындай ұстаздардың бірі деп, бір шаңырақта қызмет етіп келе жатқан Түрікменбаева Клара Нұрлыбайқызын айтар едім.
Клара Нұрлыбайқызы – теориялық білімі, кәсіптік даярлығы жоғары Жаңаөзен қызмет көрсету және жаңа технологиялар колледжінде өз пәнін терең білетін әдістемелік шеберлігі шыңдалған бірінші санаттағы, арнайы пән оқытушысы болып жұмысын атқарып келеді.
Ұжымдастармен тез тіл табысып ұжым қоғамдық жұмыстарға белсене араласқаны үшін бастауыш кәсіподақ ұйымының төрайымы етіп бірауыздан сайланды. Клара Нұрлыбайқызы үнемі білімін шыңдап, ұжымда кәсіподақ қозғалысының өрістеуіне, студенттерді кәсіподақ мүшелігі қатарына қосуда еңбегі зор.
Жаңалыққа жаны құмар оқытушы студенттердің ойлау, салыстыру қабілеттерін дамытуға жаңа технология элементтерін үнемі сабақтарында қолданады.Жан-жақтылығымен, тәжірибесінің молдығымен, ізденімпаздығымен ерекшеленіп жүрген ұстаз. Сондықтан әр сабағында мамандыққа баулу, кәсіппен байланыстыра өткізу оның алдына қойған бұлжымас ережесі десе де болады. Осы бағыттағы жұмыстары нәтижесінде ол студенттер шығармашылығына да үлкен мән беріп, олардың ізденуіне бағыт-бағдар береді.
Ұстаз өз күш-жігерін, уақытын аямай, үнемі педагогикалық жаңалықтардан қалыс қалмай, өз тәжірибесімен әріптестерімен бөлісіп отырады. Ол жастардың тәжірибелі тәлімгері, білім алушылардың жай ғана сенімді досы және парасатты әріптес.
Б.Жайбергенова,
Маңғыстау облысы,Жаңаөзен қызмет көрсету және жаңа технологиялар колледжінің кітапханашысы, кәсіподақ мүшесі.
