Аумақтық ұйымдардың жаңалықтары

Бүгін Орал қаласында БҚО оқу-ағарту, ғылым және жоғары білім қызметкерлері кәсіподағының Орал қалалық комитеті – Филиалы жанындағы Еңбек етуші әйелдер ісі жөніндегі Комиссиясының ұйымдастыруымен қалалық білім беру мекемелерінің кәсіподақ мүшелері арасында 25 қараша - «Халықаралық әйелдерге қатысты зорлық-зомбылықты жою күні» аясындағы акцияға байланысты «Бақытты отбасы – бақытты ел» тақырыбындағы дөңгелек үстел өтті.

Шараның модераторы Орал қалалық кәсіподақ комитетінің Еңбек етуші әйелдер ісі жөніндегі Комиссиясының төрайымы Т.Мирзабаева дөңгелек үстелдің мақсат-міндеті, бағдарламасымен таныстырды.

Алғы сөз алған Орал қалалық кәсіподақ комитеті – Филиалының бас маманы А.Таутенова білім саласындағы әйелдердің басым үлесін және Акцияға қатысушылардың міндеті – отбасылық-тұрмыстық негіздегі құқық бұзушылықтар мен қылмыстардың алдын алу және қайталануының алдын алу шаралары туралы түсіндіруге белсенді қатысу керектігі туралы айтты.

Арнайы шақырылған спикерлер - Орал қаласы полиция басқармасының әйелдерді зорлық-зомбылықтан қорғау жөніндегі тобының инспекторы, полиция аға лейтенаты Г.Ибрагим «Отбасы қатынастар аясындағы орын алған құқық бұзушылықтың жәй-күйі және оның алдын алу бағытындағы қабылданып жатырған шаралар», Батыс Қазақстан облысы адвокаттар алқа кеңесінің адвокаты А.Исмагулова «Тұрмыстық зорлық-зомбылық құрбандарын қорғау жолдары», «Способы защиты жертв бытового насилия» және Республикалық ата-аналар қоғамдық бірлестігінің БҚО облыстық филиалының басшысы Ш.Арыстанова «Ұрпақ тәрбиесі – ұлы міндет», «Сенімен болашақ» тақырыбындағы өз баяндамаларын жасады.

Бағдарламаға сәйкес, білім магистрі, кәсіби коуч, бизнес – тренер, психолог кеңесші, эмоционалды жағдайды реттеу бойынша сарапшы С. Кужбанова қатысушыларға «Красные флажки и спектр взаимоотношений» атты тренинг өткізді. Білім саласының қызметкерлері психологтің өзін-өзі бағалауға арналған тестіне белсене қатысып, бұндай шаралар алдағы уақытта да жалғасын табатынына сенім білдірді.

ОРАЛ ҚАЛАЛЫҚ КӘСІПОДАҚ КОМИТЕТІ