ЕСЕНОВ УНИВЕРСИТЕТІНІҢ БАСТАУЫШ КӘСІПОДАҚ ҰЙЫМЫНА ӘДІСТЕМЕЛІК КЕҢЕС БЕРІЛДІ
Есенов университетіндегі бастауыш кәсіподақ ұйымының қызметін нығайту мақсатында Орталық кәсіподақ комитетінің өкілі Е.Мұханбетқалиев арнайы әдістемелік-ұйымдастырушылық кеңес берді.
Кездесу барысында бастауыш кәсіподақ ұйымының төрағасы Н.Батықовқа кәсіподақ қызметінің негізгі бағыттары туралы түсінік берілді.
Әдістемелік көмек келесі бағыттарды қамтыды: ұйымдастырушылық-құрылымдық жағдайды жетілдіру, бастауыш кәсіподақ комитеті мүшелерінің біліктілік деңгейі мен жауапкершілік шеңберін нақтылау, жылдық жұмыс жоспарын нақты көрсеткіштермен әзірлеу, сондай-ақ кәсіподақ мүшелерінің мәселелерін шешудің кезеңдік алгоритмін қалыптастыру.
Құжаттамалық іс-әрекетті жүйелеу аясында кәсіподақ мүшелерінің тізімін цифрландыру, кеңес беру, шағымдар мен ұсыныстарды тіркеудің бірыңғай журналын енгізу, жиналыстар мен іс-шаралардың нәтижелерін уақтылы құжаттау тәртіптері талқыланды.
Ақпараттық саясатты қалыптастыру бойынша тақырыптық ақпараттық бюллетеньдерді (еңбек қауіпсіздігі, еңбекақы мәселелері, еңбек заңнамасының өзгерістері) үнемді шығару, сондай-ақ университет қауымымен байланысты нығайту мақсатында әлеуметтік желілердегі белсенділікті арттыру шаралары ұсынылды.
Жұмыс берушімен әрекеттесу стратегиясын дамытуда университеттегі еңбек қауіпсіздігі және әлеуметтік мәселелер бойынша бірлескен комиссиялар жұмысына белсенді қатысу, сондай-ақ мүшелердің еңбек құқықтарын бұзу фактілерін құжаттау тәсілдері талқыланды.
Кездесу аясында университет әкімшілігінен адами ресурстар басқармасының басшысы Ж.Баймырза да қатысты. Ол орталық комитет өкіліне университеттің материалдық-техникалық базасын, оның ішінде болашақта бірлескен іс-шараларды өткізуге болатын аумақтарды таныстырды.
Қызметкерлердің әлеуметтік-еңбек құқықтарын қорғау саласында кәсіподақ пен жұмыс беруші арасындағы әріптестік пен өзара түсіністікті нығайту мәселесі басты назарға алынды.
