Edu-tradeunion.kz

Жасанды интеллект дәуіріндегі мұғалімдердің дауысы мен мәртебесі: TALIS зерттеулерінің нәтижелері

3 желтоқсан күні сағат 14:00-де (Астана уақыты) жасанды интеллект дәуіріндегі мұғалімнің рөлі мен мәртебесін сыни тұрғыдан қайта түсінуге арналған халықаралық онлайн-талқылау өтеді. Бір алаңда білім беру саласының әлемдік және ұлттық деңгейдегі танымал көшбасшылары бас қосады:

Андреас Шляйхер – ЭЫДҰ-ның (PISA) Білім беру жөніндегі директоры.

Жұлдыз Сүлейменова – Қазақстан Республикасының Оқу-ағарту министрі.

Саясат Нұрбек – Қазақстан Республикасының Ғылым және жоғары білім министрі.

Әсел Тасмагамбетова – «Сәби» қорының негізін қалаушы, Ш. Уәлиханов атындағы мектептің тең құрылтайшысы.

Бостан Хаят – KazAELT ағылшын тілі мұғалімдері қауымдастығының директоры.

Сарапшылар TALIS-2024 зерттеуінің нәтижелерін терең талқылайтын болады.

Бұл нәтижелер Қазақстандағы реформалардың тиімділігін және Мемлекет басшысы Қасым-Жомарт Тоқаевтың тапсырмаларының орындалғанын дәлелдейді:

1. Жүктеменің азаюы: Педагогтердің жұмыс аптасы 50 сағаттан 36 сағатқа қысқарды – енді мұғалімдер әкімшілік жұмыстарға емес, оқытуға көбірек уақыт бөледі.

2. Мәртебенің артуы: Мұғалімдердің 95%-ы өз жұмысына риза, ал 80%-ы осы мамандықты қайта таңдар еді. Жалақыға қанағаттану көрсеткіші екі есе өсті.

3. ЖИ-ға дайындық: Білім беру жүйесіне жасанды интеллект енгізілуіне байланысты қандай жаңа құзыреттердің аса маңызды екенін талқылаймыз.

Іс-шараның мақсаты: Мемлекет, бизнес және практик-педагогтердің күшін біріктіре отырып, тез өзгеріп жатқан әлемде мұғалімнің мәртебесі мен кәсіби автономиясын қалай күшейтуге болатынын анықтау.

Күні: 2025 жылғы 3 желтоқсан