ЖҰМЫС БЕРУШІЛЕРДІҢ НАЗАРЫНА!
Салалық кәсіподаққа педагогтарды каникул уақытында сағат 9-дан 18-ге дейін толық жұмыс күніне тартуға қатысты көптеген сұрақтар келіп түсуде.
Бұған дейін Салалық кәсіподақ каникул кезеңіндегі жұмыс уақытына және Қазақстан Республикасының заңдарында көзделген жағдайларды қоспағанда, кәсіби міндеттермен байланысты емес жұмыс түрлеріне педагогтарды тартуға қатысты бірнеше рет түсініктеме берген болатын
✅(https://web.facebook.com/share/p/15U8LE5MAG/,
✅https://web.facebook.com/share/p/1QxC92cTpN/,
✅https://web.facebook.com/share/p/1AZFLso86T/),
✅https://web.facebook.com/share/v/16encCEcFD/?mibextid=wwXIfr )
‼️Каникул кезеңінде педагогтарды кәсіптік міндеттермен байланысты емес жұмыс түрлеріне тарту Қазақстан Республикасының «Педагог мәртебесі туралы» Заңын өрескел бұзу және Салалық деңгейде оқу-ағарту қызметкерлері үшін еңбек жағдайын, жұмыспен қамтуды және әлеуметтік кепілдіктерді белгілеу жөніндегі 2024-2026 жылдарға арналған әлеуметтік әріптестік туралы Салалық келісімнің нормаларын орындамау болып табылады.
‼️Салалық келісімнің 6.6. тармағына сәйкес «күзгі, қысқы және көктемгі каникул уақыты, сондай-ақ кезекті еңбек демалысымен сәйкес келмейтін жазғы каникул уақыты ұйымның педагогтары мен басқа қызметкерлері үшін жұмыс уақыты болып табылады. Осы кезеңдерде жұмыс беруші педагогтерді каникул басталғанға дейін олардың оқу жүктемесінен аспайтын уақыт көлемінде педагогикалық және ұйымдастырушылық жұмыстарға тартады».
‼️Білім беру ұйымдарының басшыларына ҚР заңнамасының талаптарын сақтау туралы еске салғым келеді. Кодекстің 154-бабының 2 және 7-тармақтарына сәйкес Салалық келісімнің күші тиісті қызмет саласының мемлекеттік органдарына, тиісті саланың жұмыс берушілеріне, жұмыскерлеріне және олардың өкілдеріне қолданылады, сондай-ақ Келісімнің талаптарын орындаудан жалтару, сол сияқты бұзу немесе орындамау Қазақстан Республикасының заңдарында белгіленген жауаптылыққа әкеп соғады.
‼️ҚР «Әкімшілік құқық бұзушылық туралы» Кодексінің 97 бабының 3 тармағына сәйкес келісім бойынша міндеттемені орындамау кінәлі тұлғаларға төрт жүз айлық есептік көрсеткіш (АЕК) мөлшерінде айыппұл салуға әкеп соғады. 2025 жылы АЕК 3 932 теңгені (3 932 х 400 = 1 572 800 теңге) құрайды.
Жұмыс берушілер мен олардың өкілдерін әлеуметтік әріптестік актілері шарттарын сақтауын және нормативтік құқықтық актілер талаптарының орындалуын қамтамасыз етуге шақырамын. Кері жағдайда Кәсіподақ кінәлі тұлғаларға мәжбүрлеу және жазалау шараларын қолдану үшін тиісті инстанцияларға жүгінетін болады.