ҰСТАЗДАРДЫҢ ШЫҒАРМАШЫЛЫҚ КӨРМЕСІ САЛАЛЫҚ КӘСІПОДАҚТЫҢ 100 ЖЫЛДЫҒЫНА АРНАЛДЫ
Салалық кәсіподақ ұйымының 100 жылдығына арналған іс-шаралар аясында Солтүстік Қазақстан облысы білім және ғылым қызметкерлері кәсіподақ комитеті «Өнерім саған, кәсiподақ» атты қолданбалы өнер сайысын ұйымдастырып, өткізді.
Байқауға облыстың 13 ауданы мен Петропавл қаласынан білім саласы кәсіподақ ұйымының мүшелері қатысты.
Байқау кәсіподақ мүшелерінің шығармашылық әлеуетін дамыту, кәсіподақтың қоғамдағы рөлін күшейту, кәсіподақ мүшелерінің кәсіподақ бірлігі мен ынтымағын дамыту мақсатында өткізілді.
Байқау екі кезеңде өтіп, жеңімпаздардың жұмыстары облыстық турға қатысты.
Әр филиал 3 жұмыстан ұсынды. Әрбір жұмыс жарқындығымен, өзіндік ерекшелігімен және материалдың эстетикалық берілуімен конкурстық комиссия мүшелерінің назарын аударды.
І, ІІ және ІІІ орынға ие болған жүлдегерлерге қоса номинациялар бойынша сыйлықтар белгіленді, конкурсқа қатысушылардың әрқайсысына сертификаттар мен ынталандыру сыйлықтары берілді.
Байқауға қатысқан жұмыстардан Бейнелеу өнері мұражайының залдарының бірінде көрме ұйымдастырылды.
-
Фото
-
