+7 (7172) 21 04 54 
proin.kz@mail.ru 
Аумақтық ұйымдардың жаңалықтары
СПАРТАКИАДА ЖЕҢІМПАЗДАРЫ
17 мамыр 2022
2022 жылдың 14 мамырында Д. Серікбаев атындағы Шығыс Қазақстан облысы техникалық университетінің денсаулық және спорт орталығында білім және ғылым қызметкерлерінің әлеуметтік әріптестік жылына арналған ІХ облыстық спартакиадасының финалы өтті.
Финалдық сайысқа аймақтық ойындарда I және II орын алған Өскемен, Катонқарағай, Ұлан, Шемонаиха, Зайсан және Күршім командалары қатысты.
Спартакиаданың қорытындысы бойынша жүлделі орын алғандар:
1 орын – Ұлан ауданы кәсіподақ ұйымының командасы;
2 орын – Өскемен кәсіподақ ұйымының командасы;
3 орын – Күршім ауданы кәсіподақ ұйымының командасы.
Облыстық кәсіподақ ұйымы жеңімпаз командаларға кубок, грамоталар, «TYRAN - АЛАКОЛЬ» демалыс базасына 45 және 4, 5, 6 орын алған командаларға «Байжігіт» демалыс базасына 45 тегін жолдаманың сертификаттарын табыс етті. Барлығы 90 ойыншы жазғы мерзімде демалып, денсаулығын нығайтады.
Жарыстардың жеке көрсеткіштері бойынша жеңімпаздарға грамоталар және ақшалай сыйақы табыс етілді.
Облыстық кәсіподақ ұйымы Шығыс Қазақстан техникалық университетінің денсаулық және спорт орталығының басшысы, Шығыс Қазақстан облысы волейболдан Ұлттық студенттік және мектеп лигасы Федерациясының Президенті, волейболдан Қазақстан Республикасының жоғары санатты ұлттық төрешісі, спартакиаданың бас төрешісі Болатбек Айшабекұлы Даумовқа ойындарды өткізуге көрсеткен көмегі және волейболдан жеңімпаздарға демеушілік көрсеткені үшін үлкен алғыс білдіреді. Жеңімпаз командалар кубоктармен, үздік ойыншылар – медальдармен марапатталды.
Кәсіподаққа сіңірген еңбегі үшін Болатбек Айшабекұлы облыстық кәсіподақ ұйымының «Шығыс Қазақстан кәсіподақтарына – 100 жыл» төсбелгісімен марапаттады.
Спартакиаданың соныңда жарысқа қатысушы Зайсан ауданының командасы құрамында анасы мен бірге келген ең кішкентай мейманды марапаттау сәті өтті. Сәбиге денсаулық, бақыт және болашақта спорттық жетістіктер тілей отырып, сыйлық және көрермендер көзайымы медалі табыс етілді.
Спартакиада бұл спорт мерекесі және Шығыс Қазақстан облысының білім қызметкерлерінің бірлігі екенін тағы да көрсетті.
Барлық қатысушыларға үлкен рахмет!
Жеңімпаз командаларды құттықтаймыз!
