+7 (7172) 21 04 54 
proin.kz@mail.ru 
Аттестаттау
Қазақстандық салалық білім және ғылым қызметкерлерінің кәсіподағына білім беру ұйымдарының тәрбиешілері, мұғалімдері және оқытушыларынан қолданыстағы біліктілік санаттарының қосымша атқаратын әдіскер лауазымына немесе керісінше тиісті білім беру ұйымдарында негізгі лауазымы әдіскер бойынша біліктілік санаты қосымша оқытушылық, тәрбиеші лауазымдарына қолданылуы жөнінде көптеген сұрақтар түсуде.
Осыған орай, танысу үшін Қазақстан Республикасы Білім және ғылым бірінші вице-министрі Ш.Т. Қаринованың түсіндірмесін жариялаймыз.
ҚР Білім және ғылым министрінің 2020 жылғы 11 мамырдағы №192 бұйрығымен бекітілген педагогтарға біліктілік санаттарын беру (растау) Қағидаларының 38-т. сәйкес бейініне сәйкес келмейтін педагогикалық білімі бар мектепке дейінгі білім беру ұйымдарының педагогтеріне мектепке дейінгі тәрбие мен оқыту мәселелері бойынша біліктілікті арттыру (немесе қайта даярлау) курстары туралы құжат болған жағдайда біліктілік санаты беріледі.
Қойылған сұрақта нормативтік құқықтық актінің кері заңды күші туралы сөз болып отыр. ҚР «Құқықтық актілер туралы» заңының 43- бабына сәйкес нормативтiк құқықтық актiнiң күшi ол қолданысқа енгiзілгенге дейiн қатынастарға қолданылмайды. Нормативтік құқықтық актінің немесе оның бөлімінің кері күші оның өзімен немесе нормативтік құқықтық актіні қолданысқа енгізу туралы актімен көзделген жағдай, сондай-ақ соңғысы азаматтарға жүктелген міндеттерді жоққа шығарып немесе олардың жағдайын жақсартса, ерекшелік болып табылады.
ҚР Білім және ғылым министрінің 2020 жылғы 11 мамырдағы №192 бұйрығымен бекітілген педагогтерге біліктілік санаттарын беру (растау) Қағидаларының 48-тармағында кері заң күшіне мән беруге сілтеме жоқ. Бұл норма мазмұндары жағынан ынталандыру сипатына ие және білім алушыларды кәсіптік білімді, дағдыны нәтижелі игеруге бағыттайтынын ескеру қажет. Аталған норма жалпы сипатта емес, құқық жүйесінен қандай да бір жалпы міндеттерді жоққа шығармайды.
Сәйкесінше, 2020 жылдан кейін, яғни Ереже күшіне енген сәттен бастап «үздік» дипломын ала отырып, техникалық және кәсіптік, орта білімнен кейінгі, жоғары, жоғары оқу орнынан кейінгі білім алған тұлғаларға қолданылады.
